ka-âhkami sihtoskawihcik iyiniwak oskâyak kâwînakatahkik ita kâkanaweyimihcik

Oshki-Anishinaabeg gaye oshki-netaawigijig ge maajaawag izhi-ganawendaagoziwaad gemaa gii-maajaawaad dash de-aabajitoowaad o’ow wenipazh waasamoo-asabi-mazina’igan amanj igo apii.

Gidaa-ginjida’aan waasamoo-nisayi’ii-onaakonige-mazina’igan anaamayi’iing omaa waasamoo-asabi-mazina’igan ge aabajichigaadeg onow inawewinan.

Maanoo dash izhi-daa, gemaa dash izhiwebizi, endaso bemaadizid aabideg daa-wiidookawind ezhi-nandawendang.

Kids Help Phone aapiji oganawenda’aan Oshki-Anishinaaben ge maajaanid izhi-ganawendaagozinid gaye oshki-netaawigijin azhigwa gii-maajaanid izhi-ganawendaagozinid (naangodinong izhinikaadewan oshki-netaawigijig izhi-naadamawindwaa).

A young person wearing an orange hooded sweatshirt printed with text that reads Every Child Matters

Nandagikendan Kids Help Phone

Kids Help Phone waasamoo-asabi-inendamo-wiidookaagewin wenipazh wii-aabajichigaadeg, apane de-aabajichigaadeg, gaye gaachigaadeg apiichi wiidookawindwaa gakina oshki-bemaadizijig miziwe Zhaaganaashakiing ge bwaa-inaakonindwaa apii aabajitoowaad gaye dash daa-wenda-wiindamawaawaad ezhi-ayaawaad ge aabajitoowaad gagiigido-biiwaabikoonsan gemaa waasamoo-bakitebii’iganan Zhaaganaashiimong, Wemitigoozhiimong, gaye bebikaan inawewinan.

Ogii-giizhenindaanaawaa gaye aabajitoowaad Anishinaabeg, Menokamiwijig, gaye Aabitawizhaanag iw apii gaa-maawanji’idiwaad wii-inaakonamowaad, Kids Help Phone bagidendamowaad Anishinaabe izhichigewinan miziwekamigong.

Mikan izhichigewinan, inendamowinan gaye anooj Kids Help Phone-ing:

Photo of smiling young person in front of a tree with yellow and green leaves

Nandamikan waasamoo-asabi-mazina’igan aabajichigan egindaagwag

Anishinaabe oshki-bemaadizijig odaa-mikaanaawaa izhinikaazowinan gaye agindaasowinan wii-wiidookawindwaa miziwe Zhaaganaashakiing Resource Around Me-ing. O’ow aabajichigan egindaagwag de-nandamikaade giishpin mikaman Anishinaabe ishkonigan, inawewin, izhichigewin gemaa nandawendamowin, gaye mikaadeg wiidookaagewin giishpin maajaayan izhi-ganawendaagoziyan, mino-ayaawin gaye oodenaawi-wiidookaagewinan, dibaakonigewin aaniko-wiiji’iwewin gaye onaakonigewi-azoshkamaagewin, dash anooj.

Ogii-mazinaakizaan: JC NAT Photography

NIBWAACHIWEN DEBWE-GIKINAWAAJI’IWEWIN

Agwaadamaw awiya ji-inendamo-wiidookaagooyan gaye mino-ayaayan

Nitaagagaanzomaawin

Netaagagaanzomaajig Kids Help Phone-ing aawenaanaawaan ezhi-mashkawizinid oshki-bemaadizijin ge wiidookawaawaad ezhi-ganawenindizonid gaye zhiibendaminid. Gaye dash wiidookaagewin de-aabajichigaade giishpin gaganoozhad ayaanikanootamaagejig 8a.m. biinish 5p.m. ET

Ginistinomong, Nakawemong, gemaa Wemitigoozhiimong.

Gaganoozh 1-800-668-6868 dash ginjida’aman 3

Maanzhisewi-bakitebii’igewin

Nayaadamaagejig naashi’aawag ji-nakwetamowaad Kids Help Phone-ing gaye gikendamowaad wii-wiidookawaawaad zhiibendaminid gaye aawenaminid mashkawiziwin gaye oodenaawin epiichi waasamoo-bakitebii’igewaad. Oshki-Anishinaabeg gaye netaawigijig ogashki-bakitebii’amawaan Anishinaabe waadookaagenid (giishpin giizhaa izhichigenid).

Bakitebii’an FIRSTNATIONS imaa 686868 (oshki-bemaadizijig)

Bakitebii’an FIRSTNATIONS imaa 741741 (netaawigijig)

Gidaa-gikinoowinidiz ge aabajitooyan waasamoo-asabi-mazina’igan aabajichiganan

Oshki-bemaadizijig Zhaaganaashakiing ogashki-ginjida’aanaawaa mino-ayaawin izhichigewinan, naadamaagewinan gaye aabajichigewinan omaa izhi-atemagag nazhikewiziwaad (gemaa wiijayaamaad apiitenimaad) ji-nandagikendamowaad mino-inendamowin, wawiingeziwinan, gaye mikamowaad dibaajimowinan iw apii giizhiitaawaad.

Ogii-mazinaakizaan: Jenna Mae Photography